أسباب رعشة شاشة الموبايل

 

احسن وقت لممارسة الرياضه فى رمضان

ينصح كثير من الأطباء وخبراء الصحة العامة بممارسة الرياضة جنبًا إلى جنب مع الصيام، مؤكدين أهمية ذلك لمنع زيادة الوزن، ولتنشيط الدورة الدموية ونفض الخمول والكسل والتخلص من الطاقة السلبية.

لكن ما الرياضات المناسبة للصائم، وما الفترة المفضلة لممارسة الرياضة وتوقيتها أثناء الصيام أم بعد الإفطار؟ وما هي المدة الملائمة؟

أفضل وقت للرياضة أثناء شهر رمضان: 

كل شخص وليه الوقت إلي يناسبه حسب هدفه الأول خليك فاهم إثر الصيام علي الجسم كل مخازن الطاقة الي مكانها داخل العضلات فاضية، وجسمك عشان يعمل اي مجهود محتاج طاقة لو ملقاش بيحول الدهون لطاقة فتخس. 

ما هو  هدفك لممارسه الرياضه؟ 

١- بتلعب رياضة عشان تخس دهون أفضل وقت قبل الفطار

ده لأن عدم وجود طاقة هايجبر الجسم انه يستخدم دهونك لطاقة فتخس. 

٢- بتلعب رياضة عشان تربي عضل أسوأ وقت قبل الفطار

ده لإن العضل بيحصل علي طاقة من خلال مركب في الخلايا العضلية الي هي مخزون الطاقة لجسم الانسان

والعضلات بتنتقي طاقتها من داخل المركب ده من جزء اسمه ATP وده عباره عن روابط فوسفاتيه وكرياتين. 

المشكلة إن وجود الروابط دي قليل جدا داخل مخزون الطاقة لذلك في حالة التمرين صايم العضلات لا يتوفر احتياجتها لعملية البناء والتفتيت الي بيحصل اثناء التمرين فالعضلة تتفتت ولا تستطيع البناء وده ما يسمى هدم عضلي. 

٣- في مرحلة تنشيف العضلي أفضل وأسوأ وقت وأنت صايم 

هايبقا أسوأ اختراع إنك تلعب أوزان وأنت صايم لانك هاتخسر عضل وهايبقا أفضل وقت تنشف فيه وانت صايم مع التمارين الهوائية. 

٤- بتلعب رياضة عشان تحافظ على جسمك سواء نسبة العضل أو الدهون ف الحالة دي تلعب قبل الفطار مباشرة بحيث تخلص تمرين تفطر أو أي وقت بعد الفطار. 

٥- بتلعب رياضة عشان تصور سيلفي مع الدنابل

أفضل وقت ليك قبل الفطار اهو منك تلاقي الجيم فاضي وتاخد راحتك واهو تريحني بعد الفطار من الزحمة

واليك الخلاصه:

قبل الفطار بساعه بحيث تنتهى ممارسه الرياضه قرب وقت الافطار لسرعه تعويض الجسم بالسوائل و الأملاح المعدنيه ،

و كمان بسبب ان جسمك طوال فتره الصيام خلص كل المخزون اللى عنده  فى اى مجهود رياضى هتبذله فى الوقت ده هياخد من مخزون الدهون و يحرقها و يديك طاقه يعنى هنخس دهون بعد الفطار ب ٣ أو ٤ ساعات .

والنصيحه قبل كل ذلك يجب مراعاه  الحاله الصحيه بنختار التوقيت المناسب قبل الفطار أو بعده. 

           تمنياتى لحضراتكم بصحة جيده

تعديل المقال