أسباب رعشة شاشة الموبايل

 

ازاي تاكل كحك في العيد لو خايف علي وزنك

-هل ينفع تآكل كحك وبسكويت وبيتفور وغريبه و سابليه وكل الحاجات الجميله دي ؟

الإجابه : آاااااه وينفع ناكل بجد بجد بجد ، زياده الوزن مبتحصلش في يوم ولا اتنين ي جماعه.. وخصوصا اننا مش طول الوقت ماشيين كده ، دي موروثتنا وعاداتنا واهم حاجه في الحياه الصحيه انك تبقي مرتاح نفسيا وانت بتعمل ده ،، مش هتقعد تتفرج عليهم . 

كل صح 

بس الأهم اننا ناكل صح : ناخدهم بعد وجبه متكامله سواء كان فطار او غداء لانها هتقلل من الكميات اللي هتاخدها زي ما قولنا وطبعا احسن لسكر الدم.  اوعي اوعي اوعي تاخدوهم علي معده فاضيه ، اوعي تفطر بيهم.

-الحياه عمرها ما بتمشي غير بالتوازن.. لو احنا طول الوقت ماشيين مظبوط وحياتنا صحيه ، وجينا في 10% دول اكلنا حاجه نفسنا فيها مفيهاش اي مشكله خالص..  دي مبادئ اللي اتعلمناها ونفعت مع الكثير .

 النصيحه الذهبيه 

  كلوا وانتوا مرتاحين نفسيا ،، كلوا وحسوا بالطعم مش وانتوا مشغولين ، اتحكم في كمياتك ، نظم وجباتك ، اتبع التعليمات اللي كتبتها.. وهتعدوا العيد بكل سلاسه 

المهم متعديش السعرات اللي جسمك محتاجها وياريت تشيلو النشويات من وجباتكم في اليوم اللي هتاكلو فيه الكحك والبسكويت والحاجات التانيه.

سعرات الكحك

تعرفي الكحك فيه قد ايه سعرات ؟!

زى ما احنا عارفين ان سعرات الكحك عاليه لانه معمول بدقيق ابيض و سمنه و زيت كتيير و سكر ابيض فا لازم ناخد بالنا من الكميه الى هناكلها

‎يعنى  الكحكاية الواحده ممكن تحل محل واجبه كامله بيبقى فيها من ٢٠٠ ل ٣٠٠ سعر حرارى ده غير ان بيكون فيها حشو مكسرات 

‎و البيتفور عالى جداً فى السعرات ممكن توصل الواحده ل ٣٥٠ سعر حرارى و البسكويت اقل سعرات فيه ١٥٠ سعر حرارى.

‎تانى حاجه...المختلف فى العيد هو بس حلويات العيد فا لازم تبقى عارف ان يومك لازم يمشى طبيعى على الدايت و نبقى ناكل الكحك اكنه الوجبه الفرى بالكميه المناسبه لينا و نرجع نكمل يومنا على الدايت عادى عشان منطلعش بره المود و منعرفش نلتزم تانى و نبوظ كل الى عملناه.

متضيعوش مجهودك في الدايت واعرفوا عدد سعرات كحك العيد!

100 جرام كحك فيه 620 سعر حراري.

100 جرام بيتيفور فيه 534 سعر حراري.

100 جرام بسكويت سادة فيه 471 سعر حراري.

الدايت مش حرمان، عشان كدا متحرموش نفسكم من كحك العيد لكن احسبوا عدد السعرات قبل الأكل وحافظوا  على صحتكم  .

هاكل فسيخ ورنجه اول يوم اعمل اي ؟

الإجابه : كلوا فسيخ ورنجه عادي جداااا ، بس نزود مع الوجبه خضار كتييير وبصل ، وناكلها بعيش رده أسمر لانها بتقلل شويه امتصاص الاملاح اللي موجوده ، نشرب مايه كتير جدا مش اقل من 10 اكواب خلال اليوم  او 3 لتر علي مدار اليوم. 

ينفع ناكل سوداني ولب ؟

الإجابه : آه ينفع ،، ناخدهم كسناك خلال اليوم مفيش اي مشكله بحجم قبضه الكف 

ليه بتزيد بعد ما باكل الحاجات دي واروح اوزن بلاقيني زايد ؟

 

-لإن ميزانك كاذب.. آه والله

زياده احتباس ماء من الرنجه والفسيخ والسوداني واللب اللي أكلته ، زياده بسبب انك بتاكل وحاسس بالذنب ومتوتر فهرمون التوتر بيأثر علي الوزن .

 كل سنه وانتم طيبين وبخير وسعادة يارب 

‎

 

‎‏

تعديل المقال