وصفات حلويات لذيذه(ايس كريم مانجا-موز ومانجا-حلوى مانجا وكريمه)

 

الوصفة الاولى

ايس كريم مانجة بالزبادي وجوز الهند

 بينا كولادا ايس كريم بس هنعمله بالزبادي و هيبقى طعمه روعة جدااااااااا مزمزة والله العظيم مزمزة وطعم اخر عظمة 

المكونات

كيلو من خمسة لى ست حبات منجة هنضربها فى الخلاط نص ضربة

زبادى خمس لى ست علب

نص علبة لبن كامل الدسم

ربع كوباية قشطة او كريمة حلويات

تلات معالق فانيلا كبار

روخ جوز الهند معلقتين صغيرين

جوز هند مبشور  اربع معالق

سكر

عصير برتقال ربع كوباية

كريمة جوزة الهند لو متوفرة هتضيف طعم جميل جدا موجودة فى السوبرماركت هنحط منها معلقة كبيرة

الطريقة

بولة كبيرة هنضرب فيها جوز الهند المبشور مع اللبن و الكريمة او القشطة والزبادي و نضيف سكر نص كوباية و معاهم عصير البرتقال 

نجيب قالب الايس كريم نحط خليط جوز الهند و بعدين طبقة من المنجة و بعدين طبقة من خليط جوز الهند و ندخلها الفريزر تتجمد 

 

طيب طريقة تانية ممكن نضرب الخليط كله على بعض مع المنحة و نضيق قطع منجة فى الاخر و نحطة فى القالب و ندخله الفريزر 

 

طريقة تانية نفس الخليط نشيل منه عصير البرتقال و نضيف بندق او مكسرات مبشورة او روح اللوز البندق فى نكهات بتتباع عند العطار و نضيف المنجة و ندخلها الفريزر

 

 شاهد هذا الرابط لتعرف وصفات اكلات دايت بالشوفان 

الوصفة الثانية

 

حلوى المنجة و كريمة الموز

 

 بتبقى  مزازة و سكر المنجة ولا طراورة وحلاوة الموز و طعم الجوز هند ميكس كده غريب عجيب بس متعه و لو اتضافلة جوز هند مبشور و زبيب هيبقى ولا اروع

المكونات

حلوى المنجة بالموز و الجوز هند

منجة فريش شرايح و عصير من تلات لى اربع منحايات

اربع صوابع موز فريش

كريمة شانتية مع فانيليا و روح جوز الهند

ربع كوباية لبن مكثف

زبيب

جوز هند مبشور ودول حسب الرغبة

الطريقة

بنجيب صينية بايركس و نحط فيها الكريمة المخفوقة مع الموز و اللبن المكثف وروح الجوز هند و الفانيليا و بتكون سايلة شوية مش تقيلة مش بنخلي قوامها ماسك لو مسك نزود لبن و موز و حليب مكثف  و نرش فيها الزبيب و جوز الهند المبشور و نملى كيس و نخرمه او بقمع و نعمل المنجه زجزاج او خطوط  العصير و طبعا القوام تقيل مش هينزل بسهولة نضيف قطع المنجة و ندخلها الفريزر على طول تمسك نطلعها نقطعها بالسكينه او ممكن نحط فيها استيكس خشب زى بتاعه الايس كريم او نحطها فى قوالب على طول حسب المتاح

 شاهد هذا الرابط لتعرف وصفات اكلات دايت(٢).

 

الوصفة الثالثة

 

حلوى الموز بالكريمة و البسكوت

 

من الحلويات الحلوة و المفضلة للاطفال و ممكن يتحط عليها اضافات كتير تديها طعم احلى واحلى

 

المكونات والطريقة

شرايح موز فريش

كريمة حلويات هنضربها مع فانيليا و روح البندق من عند العطار مع ورشة ملح

بسكويت ليدي فينجر لو متوفر مش متوفر مممن بسكويت ساده او بسكويت نواعم و ممكن توينكز كيك و نحطهم طبقات و ندخلها التلاجة تمسك نفسها

ممكن نضيف عليها كارميل صوص او صوص الشكولاته ممكن نضرب مع الكريمة نسكافية متدوب بمية مممن نزينها على الوش بمكسرات و فواكه

 

              مع الف هنا وشفا