%20(2).jpg){kind=small}
الوصفة الاولى
طعمية القرنبيط
وصفة قليلة النشويات
للناس اللي الطعميه العاديه بتعملهم انتفاخ او بيعملو
نظام قليل النشويات هتعجبهم اوي .
.jpeg "وصفات صحية(طعمية القرنبيط -مكروته بصوص السبانخ -المايوتيز)")
المكونات:
قرنبيط مسلوق ومفروم
بصل اخضر
كرات وشبت وبقدونس
ملح وفلفل
طريقة
التحضير :
يخلط الكل حتى تصبح عجينه دي العجينه الاساسيه نقدر نشيلها فالفريزر
او نستخدمها علي طول .
وقت السوا هنضيف علي كل ٤ معالق كبار بيضه ومعلقه صغيره
بيكربونات وهنسويها في طاسه تيفال علي نار هاديه لحد متستوي وبالهنا
والشفا.
سعرات الطبق :
١٠٠ سعر .
٨ جرام بروتين .
٥ جرام كارب . .
٥ جرام دهون
الوصفة
الثانية
مكرونه بصوص السبانخ الكريمي
هناك قاعدة بتقول :
الاكل اللي متحبيهوش لوحده ، دخليه في صوص
ولو دخلنا الصوص ده في اكله فقيرة بالقيمه الغذائيه زي المكرونه مثلا
،، يبقي ضربنا عصفورين بحجر ،،
علينا القيمه لوجبتنا و خليناها متوازنه ، و اكلنا السوبر فود من غير
منحس
صوص السبانخ و الجبنه القريش :
المكونات:
٣ معالق كبار من الجبنه القريش السبريد ،ولو مش متوفر يبقي جبنه قريش
عاديه
٣ كبايات سبانخ
٣ فصوص توم
نص كبايه حليب
نص كبايه كريمه طهي
معلقتين دقيق شوفان
ملح و فلفل
الطريقة
:
الاول هنقطع السبانخ و نحطها عالنار مع التوم تتشوح كويس ،،
هنرفعها من عالنار و نحطها فالخلاط مع كل المكونات اللي فوق
دي ،،و نضرب كويس و بعدين نرفعها علي نار هاديه لحد مالصوص يتقل ،
نضيف عليه بقي المكرونه المسلوقه و ممكن نحط ماشروم او اي حاجه تاني
نحبها و بالف هنا
الوصفة الثالثة
مايونيز بطريقة صحية
الوصفة قريبه للقوام و الطعم المظبوط القريب من المايونيز خلينا نقول
٩٠ %
طعمها مايونيز بس اكنك متعودة تجيبي مايونيز من شركة معينه طول حياتك
و جربتي نوع جديد ده الاحساس بالظبط .
المقادير
:
كوب زبادي يوناني
عصرة نص ليمونه
معلقه صغيره ملح صغيره
معلقه صغيره فلفل صغيره
معلقه صغيره خل صغيره
معلقه صغيره مسطردة
معلقه عسل متوسطه او كبيره حسب متحبيه مسكر
معلقه كبيره ونص زيت من غير طعم او ريحه ( جربت زيت
الزتون طعمه كان باين اوي ،، جربو تحطو زيت جوز هند بدون ريحه )
دول هيعمل مايونيز حلو قريب بنسبة ٨٠ % ،،
التكه اللي هتخليه مايونيز بجد هي انك تضيفى علي المقادير اللي فوق
دي معلقتين كبار مايونيز عادي ،،
اللي مش حابب و عايزة صحي ١٠٠% يبقي يستغني عن النقطه دي ..
الطريقة:
هنخلط كله مع بعضة كويس اوي و يفضل ي فالتلاجه ساعه عشان يمسك نفسة
،،
و بس كده ،، هتستغني عن المايونيز بتاع بره تماما
وبالهنا والشفا
%20(2).jpg "عبدالرحمن مجدي - Abdo magdy")