أسباب رعشة شاشة الموبايل

 

الوصفة الاولى

الكفته على الفحم

 

المقادير :

 

كيلو لحمة يفضل انه يكون فيه نسبة من الدهن20%

2 بصلة متوسطة الحجم

2فص توم

ربع حزمة بقدونس خضره

ربع كزبرة خضرة

عصير بشر طماطمايه

ملعقة كبيرة بيكنج بودر لتطرية اللحم

فلفل أخضر أو أحمر حار

م ك ملح

م ك فلفل اسود

م ك بهارات عبارة عن

جوزة الطيب زعتر زنجبيل  + ورق لورا + قرفة)

 تعرف على قوالب البطاطس المحشية باللحمة المفرومة

الطريقة:

تفرم اللحمة

ويفرم البصل ناعم مع التوابل والملح وباقى المكونات ويخلط باللحمه ونضربوا سوا تانى بالكبه ثم بصباعها على الاسياخ

عشان الكفته مش تفك مننا واحنا بنشويها

لازم الكفته نطلعها من الثلاجة قبلها بوقت وما تكنش ساقعة

تانى حاجة الاسياخ تحطها على جنب الفحم وهو والع

تكون الاسياخ سخنه نوعا ما بس مش سخنه نار الفحم ولعته قبلها بربع ساعة وبقى جاهز ورصيت عليها اسياخ الكفته يدوب كل جهه بتاخد  5دقايق وتتشوى ونطلع الكفته فى طبق تقديم مزين ببقدونس وكسبرة

 تعرف على المزيد من وصفات صحيه طعمية القرنبيط ومكرونه بصوص السبانخ ومايونيز   

الوصفة الثانية

كفته الحاتى

 

المقادير:

1/2 كيلو لحمه مفرومه وتكون ناعمه وحته دهن ضانى ودي التكه الاولى

1بصله كبير

+1بطاطس كبيره مسلوقه ربع سلقه ودى التكه التانيه

رشه قرفه +رشه جنزبيل بهارات لحمه +فلفل اسمر+ملح

معلقه كبيره كزبره خضره او بقدونس

تعرف على ستيك النعام وفرخة مشوية فى الكيس الحرارى والعيش الفينو الصحى

الطريقة:

بنخلط كل المكونات مع بعضها ونضيفها للحمه مش ننسى نفرم الحته بتاعت الدهن الضانى لانها بتدى طعم روووعه ثم صبعتها ومش تنسى تبلى ايدك بميه البصل اللى على حنب بتعطى طعم للكفته ثم نرصهم في صينية تيفال ونصب عليها مايه البصل مع مراعاة عدم اضافة ولا نقطة مايه لان هي هاتخرج سوائلها ولما تستوي وتحمر نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي ثم نعلي عليها النار حتي تحمر قليلا وتنشف من السوائل وتقدم.

تعرف على المزيد من وصفات اكلات سهله بيتزا وكريب وقرص طريه 

 

الوصفة الثالث

كفته داود باشا

 

المقادير:

1/2 ك لحمه مفرومه

1-حزمه بقدونس مفرومه

1- بصله كبيره مبشوره

بهارات ( ملح - فلفل - كمون- قرفه -زعتر -روز مارى -توم بودره )

نضيف كل المقادير على بعض وتعجن جيدا .

تكور كور بحجم حبه الجوز وتحمر بمعلقه زبدة وبعد ذلك نجهز الصوص فى نفس المقلاه اللى قلينه فيها الكفته

مقادير الصوصك

2-كوب عصير طماطم

1-بصله كبيره مبشوره

قرن فلفل و توم مفروم

تشوح البصله فى معلقه زبده

وبعد ذلك يضاف التوم و الصلصه والطماطم ويقطع قرن الفلفل ويترك يغلى على النار لمده عشر دقائق ويضاف عليها ملح وفلفل وكمون ويضاف

كرات اللحم ويترك لمده عشر دقائق اخرى تقدم مع مكرونه او رز

 تعرف على المزيد من وصفات (ملوخية  والفراخ المحشية وطاجن الدجاج بالبصل المكرمل) 

الوصفة الرابعه

كفته بالطحينه

المقادير:

نص كيلو لحم مفروم

+ معلقه كبيره بهار مشكل

+ ملح وفلفل اسود

+فلفله خضرا صغيره

+ بصله كبيره

+ 3 فص ثوم

+ بقدونس وكزبره

 

للصوص: 

كوب زبادي +تلت كوب طحينه+ عصير ليمونه كبيره + نص كوب ماء +ملح وفلفل

زيت للقلي

 

الطريقه:

نحط البصله والثوم فى البروسيسور ونفرهم ناعم وناخد منهم على جنب شويه لوحدهم اللى اخدناهم لوحدهم هنعمل بيهم الصوص بعدين هنحط اللحم والبهار والكسبره والبقدونس والفلفل على البصل والثوم ونفرمهم كويس ثم نصبعهمفى  شويه زيت صغيرين اوى نحمر الكفته يادوب تاخد صدمه وتغير لونها نعمل الصوص بقي

نخلط الزبادى والليمون والطحينه والميه والملح والفلفل ونقلب كويس

ونخليه ع جنب. فاكرين شويه البصل المفروم هنحطهم فى نفس الزيت اللى قلينا فيه الكفته هنضيف الصوص ياخد غلوه بس وننزل بيه ع الكفته ف طبق الفرن نحطه على الرف الاوسط فى الفرن لمده نص ساعه على 180 درجه لما تخرج تزين ببقدونس مفروم على الوجه يقدم مع رز ابيض وسلطه خضرا

 

                                  وبالف هنا وشفا

 

 

تعديل المقال