أسباب رعشة شاشة الموبايل

 

الصيام المتقطع  خطوة بخطوة

 

ده نظام صيام متقطع للي حابب يفهمه

وعايز يخس 20  كيلو دهون ف شهرين

 

عن طريق الصيام المتقطع

مميزاته:

 

1-مناسب للناس اللي بتشتغل او عندها جامعه او مدرسه او بتخرج طول اليوم

دا مناسب جدا و بيختصر الوقت و تحضير الوجبات

2-فعال جدا في حرق الدهون .

3- امتصاص الغذاء بشكل كامل .

 

الصيام المتقطع بيتعمل ازاي بالظبط:

 

هنقسم يومنا لجزئين

-جزء 8 ساعات ( و دا عدد الساعات اللي بناكل فيها )

-جزء 16 ساعه ( و دي فتره الصيام )

 

أول جزء في اليوم

((جزء ال 8 ساعات))

 

بناكل فيهم وجبتين او 3

 

لازم الجسم ياخد احتياجاته كامله خلال ال 8 ساعات دول بطريقه صحيه يعني منعملش دايت قاسي مع الصوم كدا بندمر الجسم لكن لو الجسم مثلا بياخد 1500 سعر نوزعهم علي الوجبتين او ال 3 دول

 

لازم الوجبتين يكون فيهم (بروتين و كارب و دهون صحيه)

 

بروتين عشان العضلات = لحمه , فراخ , تونه , كباب , كفته , سلمون , بيض , جبنه قريش الخ .. و دا يكون مسلوق او مشوي او في الفرن

 

كارب صحي = 1/2 كوب رز بني او بسمتي / شوفان / بطاطس قد حجم الايد / بطاطا حلوه قللوا من العيش و المكرونه و ياريت لو تمنعوهم

 

خضار = مسلوق او ع البخار و سلطه

دهون صحيه = زين زيتون او زيت حار وسمن بلدي وزبده جوز الهند

 

الفاكهه = 3 ثمرات فاكهه نقسمهم (قبل الوجبه و بين الوجبات و مع اخر وجبه)

 

الجزء الثاني من اليوم

((ال 16 ساعه صيام))

 

هنشرب مياه او اي مشروبات سخنه من غير سكر زي الشاي و القهوه بعد الصحيان من النوم بساعه

 

من ضمن ال 16 ساعه النوم طبعا , يعني ممكن نبتدي صوم قبل النوم ب 3 ساعات و ننام 8 و نصحي 5 ساعات و نفطر

 

قبل الاكل بساعه ممكن نتمرن تمرين خفيف و بعده ثمره فاكهه لو تمرين شديد هنتمرن بعد الفطار او بعد تاني وجبه

 

منصومش اكتر من 16 ساعه

 

ملحوظات :

الكلام دا مش مع الحوامل و لا المرضعات و لا مرضي السكر و القلب و الضغط و لا اي حد عنده مشاكل صحيه او بياخد ادويه في الحالات دي نرجع للدكتور

نفس نظام رمضان بس الاختلاف اننا ممكن نشرب فتره الصيام عادي و الفطار بيبقي علي حسب انتي صومتي من الساعه كام

نبتديه واحده واحده يعني مره مرتين في الاسبوع الاول و بعد كدا نزود و النتيجه بتظهر مع الاستمرار

الرياضه لو قبل الفطار بساعه تكون خفيفه من غير اوزان بتحرق الدهون علي طول

لو باوزان يبقي بعد اول او تاني وجبه

اي حرمان للجسم او صيام اكتر من 16 ساعه ممكن يجيب نتيجه عكسيه و الجسم يفتكر انه في حاله حرمان ف يخزن دهون

 

مثال للنظام :

مثلا اخر وجبه 9 بليل , الصيام ابتدي من 10 بليل هننام الساعه 12 لمده 8 ساعات , يعني هنصحي 8 تشربي مياه و ممكن كوبايه قهوه او اي مشروب سخن سوايل من غير سكر

و احسب لو صومت من 10 احسب 16 ساعات يعني هتفطر الساعه 2 الضهر

توضيح

المشروبات المسموحة (شاي اخضر / شاي احمر / قهوه / نسكافيه بلاك كلاسيك/اعشاب ) بدون سكر خاااالص

وممنوع اللبن

وممكن تبداءي الصيام في اي وقت بس المهم يكون ١٦ ساعه صيام

 

فوائد الصيام المتقطع:

بيساعد جدا فى التخسيس و خاصة دهون الخصر و البطن، إزاى فهمنا ❓

بيقلل مقاومة الانسولين insulin resistance و بالتالى  بتقل فرص الأصابة بالنوع الثانى من السكر و بتقل نسبة الانسولين فى الدم.

الأنسولين بيمنع تكسير الدهون  lipolysis و حرقها و بالتالى لما تقل نسبة الانسولين دة هيساعد على تكسير الدهون و حرقها

بيزود نسبة هرمون النمو بالجسم growth hormone و دة بيساعد على تكسير و حرق الدهون و بناء و زيادة الكتلة العضلية

بيزود نوع من أنواع الهرمونات أسمه نور أدرينالين noradrenaline و دة بيساعد بشكل كبير على تكسير و حرق الدهون

بيقلل هرمون الجوع ghrelin و دة المسؤل مع عوامل اخرى عن شعورك بالجوع

بجانب كل دة كمان الصيام المتقطع بيساعد على:

إصلاح الخلايا cellular repair processes  و زيادة المواد المضادة للأكسدة antioxidants و دى بتساعد على أزالة المواد السامة من الجسم free radicals و كمان التخلص من الخلايا التالفة و أستبدالها بخلايا جديدة autophagy و بالتالى بتقل فرصة الإصابة بالسرطانات

بيساعد كمان على حفاظك على مظهر شبابي برغم تقدمك فى العمر

كمان مفيد جدا لصحة المخ و بيقلل فرص الأصابة بالزهايمر

بيقلل نسبة الكوليستيرول الضار LDL و الدهون الثلاثية triglyceride بالدم و بيزود نسبة الكوليستيرول النافع HDL بالدم 

بعض الدراسات أظهرت أن الأشخاص اللى منتظمين على نظام الصيام المتقطع متوسط أعمارهم أطول من غيرهم

 

أخيرا

نظام الصيام المتقطع هو نظام ممكن يكون الأستمرار عليه صعب و مينفعش يكون نمط حياة بالنسبة لكتير من الأشخاص ، لكن ممكن تنتظم عليه فترة لحد ما توصل للوزن المطلوب و بعدها يكون أكلنا فى صورة وجبات مقسمة خلال اليوم بس أكل صحى متوازن مع رياضة عشان نحافظ على الإنجاز اللى حققناه فى نظام الصيام المتقطع

(د ثريا الألفي ..  أخصائية تغذية )

 

تعديل المقال