أخر الاخبار

السعرات الحرارية

 

السعرات الحرارية

 

كم يحتياج كل شخص من السعرات يوميا :

السعر الحراري ده ميزان وعقل الجسم في فهم أكلك وتحويله من أكل لطاقة

بمعني ان أي أكله بتدخل جسمك الجسم بيفهمها برقم

زي مثلا لو أنت كلت 100 جرام رز بسمتي جسمك بيتعرف عليهم 130 سعر حراري

طيب كلت نص فرخة جسمك بيتعرف عليهم تقريبا في حدود 400 سعر حراري

طيب كلت رغيف عيش 350 سعر

ويفضل الجسم يحول كل الأكل إلي بتاكله لرقم من السعرات الحرارية

أدي الفكرة ببساطة


السعرات الحرارية


طيب أزاي نتخن أو أزاي بنخس :

لو كان أجمالي أكلك سعراته الحرارية كتير عن الي مفروض تخده تتخن

ولو كلت أقل من الي مفروض تاكله هاتخس

ودي الفكرة بشكل أبسط من البساطة

طبعا دلوقتي بتسأل نفسك طيب أنا لي كام سعر حراري في اليوم :

مش كل الناس زي بعضها

احتياج كل انسان من السعرات بيختلف من انسان لأخر علي حسب حاجات كتير

العوامل المؤثرة بشكل مباشر وقوي السن والوزن وكتلة الدهون والحركة

لكن في ال

normal case

انسان مثلا مش overweight ومتوسط العمر والحجم والحركة

ها يحتاج من 1800 سعر حراري إلي 2000 عشان ولا يخس ولا يتخن

 

فى  ناس كتير بتقلل أكل ومش بتخس :

لأن دي نص الفكرة النص الأهم ماحدش بيتكلم عنه

ودكاترة الدايت في مصر وفي السعودية بيشتغلوا مع الناس علي النص ده فقط

فبيشوفك أنت بتاكل أيه ويحسب بينه وبين نفسه ويبدأ يقلل من أكلك مقدار ال 1000 سعر حراري مرة واحدة وده الغلط بعينه والناس حابه كده فعلا

تعمل دايت بس تاكل الي نفسها فيه

كل الكلام الي فوق ده مش مهم في الدايت بالنسب الأكبر

أنت هنا بتهتم بحساب السعرات الحرارية فقط وده في الأول هايخسسك

ولكن نسب أصابتك بأمراض كتير بيكون وارد وبنسب عالية من أهمها سوء التمثيل الغذائي ما يعرف بالاستقلاب إلي بيؤدي لحفاظك علي خصر مليئ بالدهون مهما كان خسارتك للوزن ولسوء الأكل مع الوقت توصل لثبات

وبعدين ما أنت بتشوف طفلك عنده كرش وهو مش تخين ولا بياكل كتير بشكل يتخنه وهو مش تخين اساسا

طيب ليه لأنك بتهتم بالسعرات فقط وتحسب كام سعر في كل وجبة

 فتقوم داخل البيك وتطلب fish fillet meal وتقول دي 500 سعر بس

أو تاخدلك قطعة مكرونة بشاميل وتقول عادي دي مش محصلة 200 سعر

وتتجاهل أنك تعرف توزيع السعرات من

كاربهيدرات ( النشويات ) - بروتين - دهون في كل وجبة

فلكل سعر حراري كارب أو بروتين أو دهون أو كلهم أو اتنين من تلاته

فلو افترضنا مثلا أنك بتاخد عشان تخس كيلو في الاسبوع 1500 سعر حراري يوميا

ال 1500 دول عباره عن كام كارب وكام بروتين وكام دهون

يعني ممكن لو وزعت ال 1500 سعر بشكل خاطئ اتخن

أه عادي جدا بيخس وشك وكتافك وتلاقي كرشك زي ما هو أو بيزيد

ده المعادلة الأصعب في عملية خسارة الدهون

المسكوت عنها جبرا لأسباب أقتصادية

ما هو مش هايقولك أن رغيف العيش فيه ما يقارب ٦٠ جرام كارب وأنت كل احتياجك في اليوم عشان تخس من 50 ل 70

ومش هايقولك برده أن الزيوت الي ليل نهار شغال اعلاناتها ال 100 جرام منها فيها 80 جرام دهون وأنت بس محتاج 20 جرام في اليوم عشان تخس

وأكيد أصحاب مصانع الزيوت دي مسؤولين كبار في صناعة القرار فلازم ماحدش يتكلم

هاتسأل طيب أعرف أزاي احتياجي من كل الحاجات دي نزل تطبيق

Myfitnesspal

كابتن )Mohamed abdo)                                    

 

مع تمنياتى بالصحة والرشاقة

عبدالرحمن مجدي - Abdo magdy
بواسطة : عبدالرحمن مجدي - Abdo magdy
انا عبدالرحمن 🥰 بحب الطبخ جدا 💖وبحب اجرب اكلات جديده وغريبه 😋
تعليقات



حجم الخط
+
16
-
تباعد السطور
+
2
-