أسباب رعشة شاشة الموبايل

زيادة  معدل الحرق

بكل سهوله وبدون تعب

 

ما معنى  معدل الحرق وما  يتوقف عليه: 

  حرقك علي مدار اليوم = BMR+TEF+ +exercises activity +NEAT

 

 

أولاً :

BMR 

هو الطاقه اللي جسمك محتاجها عشان تعيش بس يعني تفضل نايمباصص في السقف من غير اي مجهود عشان تتنفس والدورهالدمويه تشتغل وقلبك ينبض وغيره

طب دابيتوقف علي ايه وازاي نزوده

علي ٤ عوامل منهم ٣ مقدرش ادخل فيهم وعامل وحيد اقدر اغيره

اللي مقدرش اغيرهم :

١-السن :

كل ما كبرت في السن كل ما حرقي بقي اقل

٢-الطول:

الناس الطويله بتحرق اكتر من الاقصر منها 

 ٣-الجنس :

 الرجاله بتحرق اكتر من الستات

واللي اقدر اغيره : 

الكتله او الحجم كل ما كان كتلك وحجمك اكبر فا انت حرقك اعلي وبتحتاج كمية اكل اكتر عشان تحافظ عليها ودي نقدر نغيرها لان العضلات ممكن نكتسبها بالتمرين فا تزود كتلتنا 

 

ثانيا:ً

 TEF

 هو التأثير الحراري للأكل ، كلنا واحنا بناكل ممكن نلاقينا عرقنا وفي اللي بيحس بتعب وهو بياكلدا لان الكل نفسه وعملية الاكل والهضم بتحرق والتاثير الحراري لكل نوع اكل مختلف لو بتاكل اكله تقيله هنحس الاحساس دا خصوصاً البروتين البروتين له اعلي تأثير حراري 

 

ثالثاً :

exercise activity 

وهو الطاقه اللي بيستهلكها الجسم وقت التمرين وبتختلف علي حسب حجم وشدة تمريني ، بس مهما كان لها سقف لانيماينفعش ازود في التمرين عن حد معين لان مع الوقت هيتعبلي مفاصلي وعضلاتي وجسمي لو انا بحمل عليه اكتر من اللازم فا مهما كان لها سقف 

 

رابعاً ومن اكتر الحاجات اللي فيها لعب هو :

NEAT

 

Non-exercise activity thermogenesis 

معدل نشاطي علي مدار اليوم غير التمرين ، زي حركتي في الخروجات لعبي مع اصحابي ، مشاويري ، شغلي ، لعبي مع اولادي ، عشان كدا الناس اللي شغلها في حركه كتير وشاق صعب يزيدو في الوزن ، ودا اللي اقدر انا العب فيه جداً. يعني بدل ماروح مشاويري الصغيرهوالمتوسطهبالعربيه اروحها ماشي ، بدل ما اطلع بالاسانسير اطلع سلم ، بدل ما اجيب حاجتي علي مره اجيبها علي مراتين تلاته

 

وبكدا عرفنا ازاي نعلي معدل الحرق من كل واحده متوقف عليها احتيجاتي اليوميه من سعرات اللي هي الاساس في نزول الوزن ومن غيرها هتكون مضيعه للوقت 

1- نزود كتلة العضلات اللي بتحرقلنا سعرات كتيره حتي واحنا نايمين 

2-نركز اكتر في اكلنا علي البروتين عشان التاثير الحراري بتاعه عالي وبياخد سعرات كتيره أثناءالهضم

3- نتمرن تمارين مقاومهعشان تزود عضلاتك وتمارين كارديو تحسن القلب ونختار برنامج تدريبي مناسب لمستوانا ونجيب اخرنا من غير ما ندخل في حاجه تتعبنا 

4- نزود مع معدل حركتناعلي مدار اليوم ومانبقاش اشخاص كسوله

5- شرب المياه مابين الوجبات مهم جدا لرفع معدل الحرق مع المشروبات الاخري مثل القهوه والشاي الاخضر ولكن القهوه  ليس اكثر من كوبين في اليوم

6- النوم الجيد في ساعات اللليل مهم جدا لرفع معدل الحرق ثاني يوم ويلعب ايضاً دورا مهما في تظبيط الهرمونات ومنها هرمونات الجوع والشبع. 

 

)كابتن  Haithamabd al rahman) 

 

مع افضل اوقات للصحة والسعاده 

 

 

تعديل المقال