أسباب رعشة شاشة الموبايل

                     طريقة احلى انجلش كيك 

 

المقادير 

 

اربع بيضات

كوباية كبيرة سكر

كوباية كبيرة دقيق

كوباية زيت صغيرة

كوب صغير فواكه مجففة أو زبيب أو مكسرات أو سوداني

معلقة كبيرة ممسوحة بيكينج بودر

رشة ڤانيليا

رشة ملح

 

 الطريقة 

 

هانضيف كوباية السكر ورشة الڤانليا على الأربع بيضات ونخفق الخليط على السرعة الواطية بالمضرب الكهربائي أو الخلاط أو المضرب اليدوى لغاية ما السكر يدوب تماما

بعدها هنرفع سرعة الخفق وننزل بكوباية الزيت سرسوب بالتدريج لغاية ما القوام يتقل معايا

 

بعدها نحضر الخليط الجاف هانضيف الفواكه المجففه على كوباية الدقيق وعليهم البيكنج بودر ورشة الملح ونقلبهم مع بعض كويس "ودى خطوة مهمة عشان الفواكه تتغلف بالدقيق وماتسقطش فى قاع الكيك تحت"

بعدها نضيف الخليط الجاف ده كله على الخليط السائل ونقلبهم كويس سوى لحد ما الدقيق يدوب تماماً

 

هانكون مجهزين الفرن بتاعنا من قبلها على درجة حرارة ١٨٠ وبنحط الكيك فى قالب وبندخله فى الرف الأوسط لمدة ٣٥ دقيقة

 تعرف  على  اكلات سهله طاجن ورق عنب وسمبوسه وفته

                      بسكويت الجبنة الرومى

 بأشكال مختلفة .. هش ومقرمش ومناسب جدا للأطفال

 

المقادير

 

كوبايتين من الدقيق المنخول

كوباية من الجبنة الرومى المبشوره ناعم

نص كوباية من الحليب

معلقتين كبار من الزبدة الباردة بدرجة حرارة التلاجة

معلقة صغيرة من البيكينج بودر

رشة ملح

بيضة واحدة

 

الطريقة..

 

بنضيف الزبدة على الدقيق ونفركهم سوى بإيدينا لغاية ما يبقى الدقيق زى الرمل المبلول.

  بنضيف الجبنة الرومى ومعلقة البيكينج بودر ورشة الملح ونقلب كل المكونات مع بعض كويس جدا.

وبعدين بنضيف البيضه ونقلبها مع الخليط لغاية ما تتجانس معاه تماما.

وآخر حاجه بنضيف نص كوباية الحليب بالتدريج لغاية ما تتكون معانا عجينه متماسكة وسهلة فى التشكيل وما بتلزقش فى ايدينا.

 

بنسيب العجينة نص ساعه فى التلاجة ترتاح وبعدين نطلعها ونفردها بين كيس بلاستيك نضيف عشان تتفرد معانا بسهولة ونوصلها لإرتفاع وسمك حوالى نص سم او أكتر شوية.

بعدين نبتدى نقطعها بأى أشكال إحنا حابينها ونرصها فى صينية أو صاج مدهونين زيت

 وندهن الوش بخليط مكون من معلقة من الحليب عليه رشة صغيرة جداً من النسكافيه ورشة صغيرة جدا من السكر ونقلبهم كويس وندهن بيهم وش البيسكوت كله ونرش سمسم أو حبة البركة على الوش حسب الرغبة وممكن نضيف جبنة رومى أو موتزاريلا .

وندخلهم الفرن على درجة حرارة ١٦٠ أو ١٧٠ لغاية ما ياخدوا لون ذهبى من فوق ومن تحت، تعرف على وصفات اكلات سهله (الفلفل المقلى-فراخ زمشروم-تتبيلة فراخ) 

            اللانكشير بمقادير مظبوطة 

المقادير ..

اتنين كوب دقيق فاخر

كوباية سمنة نوع جيد(ساقعة)

نص كوب سكر

نص كوب نشا

اتنين بيضة

نص معلقة صغيرة بيكنج بودر

كي فانيليا او معلقة صغيرة فانيليا سايلة

رشة ملح

 الطريقة

نبداء بخفق السمنة مع السكر بالمضرب لغاية ما تبتدى تتفتت وتتحول لخليط هش وفاتح اللون

بعدين نبتدى نضيف البيض واحدة واحدة مش مع بعض

ونضيف الفانيليا ونستمر فى الخفق.

فى إناء خارجى نضيف كوبايتين الدقيق ويكونوا منخولين كويس ونضيف عليهم نص كوباية النشا ونص معلقة صغيرة من البيكنج بودر ورشة ملح ونخلطهم كويس جدا

وبعدين نضيفهم على الخليط ونضربهم كلهم سوا كويس جدا ونلمها بإيدينا وبعدين نريحها ربع ساعة فى التلاجة

نخرجها ونبتدى نشكلها على هيئة كور صغيرة متساوية ونبتدى نرصها فى الصينية او صاج الفرن مش مدهون زيت او ورق زبدة وبينهم مسافات بسيطه عشان مايلزقوش فى بعض.

 التسوية

الفرن يتسخن على درجة حرارة 170 فى الرف الأوسط من تحت

هياخد معانا من 10 ل 15 دقيقة حسب حرارة كل فرن

مابنشيلوش من على الصاج غير لما يكون برد تماما عشان ما يتفتتش

نبتدى نلزقه فى بعض بمربة او شيكولاته سايله ونغطسها فى جوز هند مبشور او مكسرات مبشورة او شيكولاته فارمسيلا او اى شئ . 

 

                   السابلية بمقادير مظبوطة 

 المقادير

كيلو دقيق فاخر منخول كويس جدا

 ٦٥٠ جرام زبده نيوزيلندى

٣ بيض احمر كبير او ٤ صغير (بدرجة حرارة الغرفة وبلاش بيض بلدى)

٢ معلقه كبيره نشا

٣٠٠ جرام سكر بودره

كيس فانيلا

  المقدار ده يعمل ٢ ك ونص لتلاته الا ربع  بعد التزيين.

 الطريقه

فى بولة بنضيف الزبده مكعبات بارده  والسكر يتضربوا كويس على السرعة الهادية لغاية ما السكر يمتزج تماماً مع الزبدة وبعدين ارفع السرعة لغاية ما تهيش وتبيض وتبقى كريمى. 

بعدين ننزل بالبيض واحدة واحدة  كل ما تختفي بيضه وسط المقدار ننزل بالتانية لحد ما نخلص المقدار والفانيليا مع آخر بيضه عشان نفضل محافظين على ريحتها

هنضيف الدقيق والنشا مع بعض منخولين و ننزل بيهم على الخليط ويادوب نقلب (من غير عجن) وتتلم مع بعض وتدخل التلاجه تريح نص ساعه ونشتغل فيها

تتفرد بين كيسين نايلون لسهولة الفرد والنقل

العجينه ممكن تقعد فى التلاجه لغاية تلات ايام عادي جدا

 التسوية

 

على درجة حراره متوسطه (١٧٠ ل١٨٠) مع المتابعة لحد ما تستوي من تحت

مانلمسهاش بعد ماتخرج لغاية ما تهدي فى الصينيه .

  الحشوة

 

مربي أو نوتيلا أو مربة حليب أو لوتس والتزيين حسب الرغبه

        تعرف على  شوربة المشروم بالبندق-نبات الهليون والبروكلي مشوي-كباب الحلة مع الأرز بالشعيرية

الف هنا وصحة وعافية

تعديل المقال