العيش الفينو الصحي
اسهل و ابسط طريقة
و بدون عجن
و الحلو فيها ان
مكوناتها بسيطه و هتنفع مع اي نوع دقيق ،،
.jpeg "العيش الفينو الصحي")
المقادير :
٣ كوب دقيق صحي
اي نوع ، انا عملت ميكس ما بين دقيق الشوفان و الكينوا و دقيق جوز الهند
معلقتين كبار خميرة
،
٣ معالق كبار مليانين
قشور سيليوم مطحونه ،
مية للعجن في حدود
٣ ل ٤ كبايات و بس كده ،
تعرف على المزيد من وصفات صحيه طعمية القرنبيط ومكرونه بصوص السبانخ ومايونيز
الطريقة
هنحط كل النواشف
الاول و نقلب كويس ،، و بعدين هنحط الميه بالتدريج ،، هنحط ٣ كبايات الاول و نقلب عايزين
القوام اول منحط الميه و نقلب يبقي زي قوام الزلابية كده لان قشور السيليوم هتخليه يمسك نفسة بعد شوية ،،
لو وصلنا لقوام الزلابيه ده هنقلب تاني لحد متتماسك
و نبقي عارفين نشكلها بالايد ،، لو سايله اوي نسيبها ٥ دقايق هتمسك نفسها لو لسه سايله
نحطلها معلقهة كبيره قشور سيليوم ،، لو القوام
متماسك اوي و جامد نزود ميه و هكذا ،،
هنشكلها بس كور
و نحطها في طبق و نغطي عليها تخمر ساعتين ،،
بعد متخمر هناخد
كل كورة و نشكلها علي شكل الرغيف و نحطها في ورقة زبدة و تدخل فرن سخن علي ٢٠٠ او
٢١٠ لمده ساعه عشان تستوي كويس ،و بس كده.
وبالف هنا وشفا